O‘zbekiston Respublikasi Prezidenti huzuridagi Axborot va ommaviy kommunikatsiyalar agentligi davlat organlari va tashkilotlari matbuot xizmatlari rahbarlarining 2023-yildagi reytingini eʼlon qildi.

131 nafar matbuot kotibining, jumladan, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari xodimlarining ochiqlikni taʼminlash borasidagi faoliyati baholandi.

Axborot va ommaviy kommunikatsiyalar agentligi tahlilchilari 2019-yilga nisbatan matbuot kotiblari samaradorligi sezilarli darajada oshganini qayd etishdi. 29 nafar matbuot kotibi amalga oshirilgan ishlarni yuqori darajada ko‘rsatdi. 59 kishi o‘rtacha natijalarga erishdi, 39 kishi qoniqarli natijalarga erishdi. 4 nafar mutaxassisning faoliyati esa past deb baholangan.

Yil yakunlari bo‘yicha vazirliklar o‘rtasida “oltin” reyting Oliy taʼlim, fan va innovatsiyalar vazirligi matbuot xizmatiga nasib etdi. “Kumush” maktabgacha va maktab taʼlimi vazirligiga, “bronza” esa raqamli texnologiyalar vazirligiga nasib etdi.

Yuqori natijalarga erishgan vazirliklarning yetakchi 8 ta matbuot xizmati quyidagilardan iborat:

1. Oliy taʼlim, fan va innovatsiyalar vazirligi;
2. Maktabgacha va maktab taʼlimi vazirligi;
3. Raqamli texnologiyalar vazirligi;
4. Sog‘liqni saqlash vazirligi;
5. Adliya vazirligi;
6. Ichki ishlar vazirligi;
7. Favqulodda vaziyatlar vazirligi;
8. Transport vazirligi.