O‘zbekiston eng yaxshi Amerika universitetlarining moliyaviy amaliyotini o‘zlashtirmoqda.

Gap, birinchidan, barqarorlikni taʼminlashi va universitet rahbarlariga uzoq muddatli institutsional ustuvorliklarga eʼtibor qaratish imkonini beradigan katta hajmdagi jalb qilingan xususiy kapital haqida bormoqda. Ikkinchidan, professor-o‘qituvchilar o‘rtasidagi sog‘lom raqobat, buning natijasida universitetlar ilmiy faoliyatni davlat tomonidan moliyalashtirilishiga ishonishlari mumkin.

Darhaqiqat, O‘zbekiston oliy taʼlim tizimi oliy taʼlim sohasidagi xalqaro ekspert Jamil Salmiyning uchta qoidasiga muvofiq rivojlanishga intiladi:

1. OTM – bu o‘qituvchilar va talabalar o‘rtasida iqtidorlar yuqori to‘plangan joy;
2. Universitetda qulay sharoitlar yaratish va ilmiy tadqiqotlar olib borish uchun qo‘shimcha resurslarni jalb qilish zarur;
3. Universitet boshqaruv tuzilmasi strategik qarashlar, innovatsiyalar va byurokratik to‘siqlarsiz mablag‘larni boshqarishni rivojlantirishga ko‘maklashishi kerak.

Shunday qilib, 2022 yildan buyon 39 ta universitet moliyaviy boshqaruv va o‘quv jarayonini nazorat qilish sohalarida qo‘shimcha vakolat va mustaqillikka ega bo‘ldi. O‘z-o‘zini moliyalashtirishga o‘tgan taʼlim muassasalariga ham yangi bakalavriat va magistratura yo‘nalishlarini joriy etish va talabalarni qabul qilish mezonlarini belgilash huquqi berilgan.

Universitetlarning umumiy muvaffaqiyati taʼlim muassasasi maʼmuriyati, moliyaviy xizmatlar, o‘quv bo‘limlari o‘rtasidagi yaqin o‘zaro munosabatlarga, shuningdek, respublika taʼlim tuzilmalarida eʼtirof etilgan resurslarni taqsimlashning shaffofligi va samaradorligiga bog‘liq.