Ўзбекистон энг яхши Америка университетларининг молиявий амалиётини ўзлаштирмоқда.

Гап, биринчидан, барқарорликни таъминлаши ва университет раҳбарларига узоқ муддатли институционал устуворликларга эътибор қаратиш имконини берадиган катта ҳажмдаги жалб қилинган хусусий капитал ҳақида бормоқда. Иккинчидан, профессор-ўқитувчилар ўртасидаги соғлом рақобат, бунинг натижасида университетлар илмий фаолиятни давлат томонидан молиялаштирилишига ишонишлари мумкин.

Дарҳақиқат, Ўзбекистон олий таълим тизими олий таълим соҳасидаги халқаро эксперт Жамил Салмийнинг учта қоидасига мувофиқ ривожланишга интилади:

1. ОТМ – бу ўқитувчилар ва талабалар ўртасида иқтидорлар юқори тўпланган жой;
2. Университетда қулай шароитлар яратиш ва илмий тадқиқотлар олиб бориш учун қўшимча ресурсларни жалб қилиш зарур;
3. Университет бошқарув тузилмаси стратегик қарашлар, инновациялар ва бюрократик тўсиқларсиз маблағларни бошқаришни ривожлантиришга кўмаклашиши керак.

Шундай қилиб, 2022 йилдан буён 39 та университет молиявий бошқарув ва ўқув жараёнини назорат қилиш соҳаларида қўшимча ваколат ва мустақилликка эга бўлди. Ўз-ўзини молиялаштиришга ўтган таълим муассасаларига ҳам янги бакалавриат ва магистратура йўналишларини жорий этиш ва талабаларни қабул қилиш мезонларини белгилаш ҳуқуқи берилган.

Университетларнинг умумий муваффақияти таълим муассасаси маъмурияти, молиявий хизматлар, ўқув бўлимлари ўртасидаги яқин ўзаро муносабатларга, шунингдек, республика таълим тузилмаларида эътироф этилган ресурсларни тақсимлашнинг шаффофлиги ва самарадорлигига боғлиқ.